30‏/1‏/2015
الجمعة, يناير 30, 2015

اجابة السؤال العملي ( لمادة الكتابة الإذاعية والتلفزيونية ) بطريقة تفاعلية تقديم الزميل سامح المصري

هاااام بخصـــــــــــوص :: الكتـــــــــابة الإذاعية 
بتسأل عن السؤال العملى .. وخايفين منه فى الامتحان .. والحقيقة ان السؤال ده سهل جدا ومش هيحتاج منك وقت فى المذاكرة .. كل ما عليك انك تفهم السؤال ..

بالفيديو تطبيق علي قالب الحديث المباشر 

مثلا السؤال ده كان فى امتحان العام الماضى :
س : اكتب برنامجاً توضح فيه أهمية أن يتعلم المواطن المصرى والعربى المفهوم الحقيقى للديموقراطية موضحاً الوسيلة ، القالب والجمهور المستهدف ؟



(( عشان تعرف تحل اتبع الخطوات دى ))
1 _ أقـــــــــــرا السؤال كويس وأفهم الموضوع اللى بيتكلم عنه السؤال .

2_ حـــــــــــدد القالب اللى هتعمل البرنامج فيه .. ومعنى كلمة ( قالب ) .. يعنى شكل البرنامج .. احنا درسنا فى المنهج 10 قولب منهم .. برنامج الحديث المباشر ، برنامج المقابلات ، البرامج الحوارية .. الخ

3_ الموضــــــوع دة لو هنتكلم فيه ممكن نعمله فى قالب حديث مباشر او برنامح المقابلات او برنامج الحوارى .. وكل الاشكال دى ممكن تكون من خلال الراديو او التلفزيون .

4_مثلا هنختار قالب المقابلة .. انا عن نفسى لو هحل السؤال ده هختار قالب ( المقابلة ) .. بعد كده هفتح ورقة الإجابة وابدأ أكتب بالشكل ده

(( اســــــــــــم البرنامج ـــــــــــــ>>> حوار كبير :

(( الوســـــــيلة المستخدمة ــــــــــــــــــــ>>> التليفزيون :

(( مدة عــــــــــرض البرنامج ــــــــــــــــــــ>>> 60 دقيقة .. 5 ايام فى الاسبوع

(( الجمهـــــــور المستهدف ـــــــــــــــــ >>> جميع مواطنين الوطن العربى

(( نــــــــــــوع القالب ـــــــــــــــــــ >>> المقابلة من أجل التعرف على راى

(( ضــــــيف الحلقة ـــــــــــــــــ >>> الدكتور محمد فايق رئيس المجلس القوى لحقوق الانسان

بعد ما تكتب الحجات اللى فوق بالشكل ده هتبدأ تتخيل انك بتقدم برنامج مباشر وبتتكلم على الموضوع بالشكل ده ــــــــــ

(( المقــــــــــدمة : إذا الشعــب يومــا أراد الحيــاة فلا بـــد أن يستجيب القــدر .. ولا بـــد لليــــل أن ينجلـــي ولابـــــد للقيـــــد أن ينكســـــر .. مشاهدينا فى الوطن الأكبر .. الوطن الأعظم .. الوطن العربى .. كلنا تبعنا على مدار " اربع " سنين مرت علينا التغير اللى طالب بيه عدد كبير من جمهور الوطن العربى .. وده كان من خلال بركان الثورة .. لكن االنهاردة وبعد " اربع " سنين من تاريخ الثورة اللى كانت بدايتها في ‘‘ تونس ، مصر ، اليمن ، ليبيا ، وسوريا ‘‘ .. السؤال هل الاطراف اللى كانت شريك في الثورات دى عندها الإدارك الحقيقى لمفهوم ‘‘ الديمقراطية ‘‘ .. ؟ ده اللى هنعرف إجابته من خلال ضيفى وضيفكم الدكتور " محمد فايق " رئيس المجلس القوى لحقوق الإنسان ورئيس الشبكة العربية لحقوق الانسان .. اللى بنرحب بيه معانا في برمجنا .. " حوار كبير " .

(( الضــــيف : الدكتور محمد فايق .. اهلن بحضرتك وبكل أسرة البرنامج وبكل المشاهدين في الوطن العربى اللى بيتبعونا من خلال برنامجكم الرائع .

(( المقـــــــدم : اهلن يافندم ... طبعا كلنا تابعنا اللى حصل الدول العربية السنين اللى فاتت وكنا حابين نفهم من خلال تخصصك .. هل الاطراف اللى كانت شريك في الثورات عندها ادراك حقيقى لمفهوم ‘‘ الديمقراطية ‘‘ ؟

(( الضــيف : الدكتور محمد فايق .. هقولك حاجة مهمه قبل ما اوضح ليك الناس عندها ادراك ولا لاء ............

(( المقـــــــدم : ولكن ....................كذا..................

(( الضــــــيف : محمد فايق ........... اه هوضح ده ......................كذا....................

(( المقـــــــــــدم : بس يافندم .........كذا............................

(( الضــــيف : محمد فايق .. كذا ....................................


وتبدأ تتنقل بفكرك وتسأل وتحاور الضيف وتعرف امتى تعمل ‘‘ مقاطعة .. مثلا لو هو قال كلمة بالانجليزى انت لازم تقول معناها وتفسرها للناس

5_ اللغة اللى هتستخدمها في الكتابة اللى انا وانتا كاااا أصحاب بنتكلم بيها " لغة عامية المثقفين " اه انا انت المثقفين دول .. يعنى مش تسرح وتقلب الحوار فيلم تاريخى وتقــــــول .. (( لابد إن ادخـــــــــــــــل بكمـــــااااا )) وشغل عادل إمام ده .. اكتب كلام عامى .. عشان الدكتورة تستمخ من الإجابة بتاعتك هي بتحب كده وأسال " احمـــد عـــزازى .

6_ سطر الورقة بشكل هامش عشان تكب المقـــــدم .. والضــــيف .. في الهامش ويكون قصدها الكتابة
7_ لما تقف اعمل كدا ( .. ) ولما تسأل اعمل ( ؟ ) ولما تذكر كذا حاجه مع بعض في جملة وحدة اعمل كده ( . ..كذا .... ، ...... ، ..... ، ...... و كذا )

8 _ كمان لما تستشهد بـــ راى حد أو مقولة اعملها تنصيص كده يعنى وزاى ما قال " سامح المصرى " إن مفهوم الديمقراطية هو ( حكم الشعب لشعب ) .

9_ اهم حاجة بقى في السؤال ده .. الخاتمة لازم توضح فيها كل ما دار في الحوار واما أسفر عنه هذا الحوار بشكل مختصر .

ــــــــــــــــــــــــــــــــــــــــــــــــــــــ ده كل اللى قالت عليه الدكتوره .. عشان بقى تفهم اللى انا قولته بص بعينك كده على المحاضرات وافهم اية الفريق بين القولب وبكده هتضمن ( 5 ) درجات في الامتحان ..
بقـــــــولك ......أوعي تنسى أخوك ســـــــامح فـــي الـــدعاء .
اللهـــم وفقنا فيما نسعى إليه
البيان الأول .. في الكتابة الإذاعية 

إعـــــــداد : سامح المصرى .. أسرة مدرج 28 إعلام

لمناقشة الكاتب والتفاعل مع اسرة الجروب 



فريق عمل مدونة مستر إعلام
هل أعجبك الموضوع ؟

0 التعليقات:

إرسال تعليق

افضل 10 مواضيع