1‏/6‏/2016
الأربعاء, يونيو 01, 2016

كلمات اغنية برنامج فن الحياة للداعية مصطفى حسني



اغنية برنامج فن الحياة للداعية مصطفى حسني
غناء : احمد فرحات وعماد كمال
الحان : احمد فرحات
كلمات : نصر الدين ناجي

قلبي كله خوف من الحياة ومن الدنيا ومن الظروف

كتر حزني مانعني حتي اشوف حاجة حلوة تغير الأيام فـ عيني

هي صعبة ليه هفضل اشتكي منها اد إيه

هو فين العمر مش لاقيه كل يوم بيضيع وتجري وراه سنين


اللي خلقها قالك عيشها يابن آدم .. حب يومك وناسك وافرح عمر بطوله

اللي خلقك حنين عايز راحتك فيها .. وانت مش مخلوق علشان تتعذب فيها

الحياة حكمة ربك عايزك تتعلمها .. سهلة بس ساعات بتشوفها عيونا متاهة

الحياة فن لازم يبقي معاك مفتاحه .. واللي متعلمش فنونها اتحير فيها


كل عُقده في طريقك ولها حلول .. أي باب يتفتح مهما كان مقفول

أنت محتاج تلاقي طريقك .. و اللي خلق الخلق ادانا عقول

العيون اللي ماشيه في طريق الله .. قادره تفرح وتضحك للحياة

اللي راح في النور شاف سعادة .. واللي راح في الضلمة زمانه تاه


اللي خلقها قالك أوعي تشيل فــ همومها .. امشي زي ما علمتك والباقي عليا

ارضي بيا هترضي الدنيا وتجري وراك .. واللي كان ناقصك هيزيد ويفيض وياك

اللي خلقها عايزك تنجح في امتحاناته .. قالك افرح هتوصل للحلم اللي في بالك

لما تلمح بعينك نور قوم خطي وراه .. والأمان والخير كله في الإيمان بالله







هل أعجبك الموضوع ؟

3 التعليقات:

  1. و اللي خلق الخلق ادانا عقول

    ردحذف
  2. عبد الرحمن صبحييونيو 26, 2016

    انا هعلق على الكلمات ككلمات فقط
    بعيدا عن كونه برنامج ديني
    للاسف الكلمات ضعيفة ومستوى نصر قل جدا
    انا اعرف عنه انه شاعر موهوب ومواضيعه حلوة جدا
    لكن معرفش انه ضعيف جدا في الديني كدا

    ردحذف
  3. احسنت القوول

    ردحذف

افضل 10 مواضيع