اما أغنية لا تبك فهي من كلمات الشاعر آدم فتحي وتلحين الموزع مصطفي نجم
كما شارك مأمون عرفه الشاعر محمود فاورق في كتابة أغنية اي كلام
لتحميل الألبوم كاملا أضغط هنا
.jpg "كلمات البوم اسمعني لحمزة نمرة")
1- كله بيعدي
واهو كله بيعدي.. افهم بقى يا افندي
مش واقفة على حاجة.. ولا حتى محتاجة
ان انت تزعل كل ده
كله بيعدي.. أي والله يا أفندي
لو مين عليك يقسى.. إجمد عشان لسه
هتشوف كتير من ده وده
ده أعز أصحاب وكنا أحباب كان عِشرة عُمْر وما عرفتوش
والباب قُصاد الباب وف وقت الجدّ ما لقيتهوش!
ده اللي راح لو كان كويس
كنت أزعل يوم ما راح
ما تشوف بعنيك كويس
ده كويس انه راح..
واهو كله بيعدي.. افهم بقى يا افندي
مش واقفة على حاجة.. ولا حتى محتاجة
ان انت تزعل كل ده
كله بيعدي.. أي والله يا أفندي
لو مين عليك يقسى.. إجمد عشان لسه
هتشوف كتير من ده وده
قال وانا زعلان على الأحلام اللي كانت يوم عن يوم بتزيد
وَهْم وبان ومش ندمان لأ وهدوّر على حلم جديد!
ده اللي راح لو كان كويس
كنت أزعل يوم ما راح
ما تشوف بعنيك كويس
ده كويس انه راح..
واهو كله بيعدي!
كلمات: محمود فاروق
ألحان: حمزة نمرة
توزيع: حمزة نمرة
2- اسمعني
كلمات اغنية اسمعني
حياتي عمرها ما كانت باختياري
غصب عني لقيتك بتاخد قراري
بتعاملني كأني مجرد خيال
وإن جيلنا ده كله شوية عيال
لا.. احنا ملّينا السكوت
لا.. خلاص بقولها بأعلى صوت
اسمعني.. انت اللي بتضيعني.. للماضي بترجعني
وعايز تحبسني فيه
أحلامي.. انت اللي قضيت عليها.. لما اتحكمت فيها
طب فاضل ليا إيه
احنا جيل اللي شايب وهو شباب
كل حلم بألم كل خطوة بعذاب
شيلنا هم الحياة دوقنا مرّ السنين
لأ وعايزينّا برضه نعيش مذلولين
لا.. كلمة واحدة هقولها ليك
لا.. مش هبقى نسخة من ماضيك
اسمعني.. انت اللي بتضيعني.. للماضي بترجعني
وعايز تحبسني فيه
أحلامي.. انت اللي قضيت عليها.. لما اتحكمت فيها
طب فاضل ليا إيه
ليه أبقى زيك تمام.. أهو عايش والسلام
وتتوّهني الحياة
لا.. أنا هختار الطريق.. وهعاند كل شيء
ودي أيامي أنا..
اسمعني..
كلمات: محمود فاروق
ألحان: حمزة نمرة
توزيع: مصطفى نجم – حمزة نمرة
3- صباح الخير
كلمات اغنية صباح الخير :
قولنا صباح الخير وعلى الله.. تبقى الدنيا رايقة
ده اليوم شكله جميل يا ماشالله.. حتى الضحكة لايقة
على طريقنا ومش في بالنا.. فطِرنا وشربنا شاينا
وده مين ده اللي يدايقنا.. ولا يعكّر مزاجنا
لأ إنسى.. إنسى إنسى!
قافش كده ليه وسايق فيها.. قول لي بس مالك؟
ما تركزش بقى وعديها.. وما تحطش في بالك
ليه كل ما اشوفك مكشّر؟.. عم انت ياعم كبّر
وبتقول الدنيا واقفة.. ماهي ماشية الله أكبر!
ما تنسى.. يا سيدي إنسى!
مش هخاف.. م اللي جاي
فرحتي تنور سمايا مهما يكون
طول ما احنا.. ويّا الأحباب
كل صعب ف الدنيا ممكن يهون
كلمات: محمود فاروق
ألحان: حمزة نمرة
توزيع: مصطفى نجم
(صولو العود فلكلور نوبي)
4- مع السلامة
كلمات أغنية مع السلامة
والله يا ميت خسارة.. القسوة ماهيش شطارة
لو فيكي رحمة يا دنيا.. طيب إيه الأمارة
صعبانة عليا نفسي.. مش قادر أسيبكوا وامشي
وأودّع كل حاجة.. قدام باب العمارة
يعني الذكرى الجميلة.. وسنين عُمري الطويلة
فجأة بسببك يا دنيا
وقفوا عليا بخسارة
ومع السلامة السلامة.. مع السلامة.. مضحوك علينا م الدنيا ياما
ومع السلامة السلامة.. مع السلامة.. دنيا غريبة ومفرّقانا
شايف ف عنيكوا دمعة.. شايل منها ف عنّيا
ومافيش حاجة بإيديكوا.. ولا فيه حاجة بإيديا
مش مستحمل أشوفكوا.. قاعدين بتداروا روحكوا
وماحدش فيكوا قادر.. ييجي يسلم عليا
لو تبعدنا الليالي.. لكن دايماً في بالي
دنيا بتجمعنا مرة
وتفرق بينّا ميّه
ومع السلامة السلامة.. مع السلامة.. مضحوك علينا م الدنيا ياما
ومع السلامة السلامة.. مع السلامة.. دنيا غريبة ومفرّقانا
سكة يا عالم آخرها.. ومافيش قدامنا غيرها
وسنين سايبالنا دايماً.. في قلبنا علامة
وتعبت يا دنيا فيكي.. من همي دعيت عليكي
خدتي حقوقِك وحقي.. سايبُه ليوم القيامة
كلمات: محمود فاروق
ألحان: حمزة نمرة
توزيع: مصطفى نجم
5- يا لالا
كلمات أغنية يا لالا
سألوني.. عن إسمي
قلتلهم ضايع مني
كل اللي اعرفه عني
عربي واسمي عربي
سألوني.. عن بلدي
قلتلهم غالي عندي
لكن وينك يا أرضي
عربي وبلدي عربي
يا لا لا ويا لا لا.. مرحبتين ويا هلا
باللي كان يومٍ كبير.. والزمن حوّله
كان العرب.. علم وأدب
فرسان وصقور
صار كل شي ماضي انتهى
وايامٍ تدور
شرقي الاسم.. غربي الفعل
وبينهم تُهت أنا
والله يعين.. يا سامعين
من حالنا
اتمسخرنا على العادات وقلنا عادي
صِرنا نسهر في البارات.. ومافي مشكلة
يا لا لا ويا لا لا.. مرحبتين ويا هلا
باللي كان يومٍ كبير.. والزمن حوّله
من الصبح.. لين المسَا
كل ساعة في مول
كل همنا.. أحدث موضات
واجمل عطور
من أغلى شي.. عطني شوي
ومين مثلي يكون
وين ما بروح.. أفتن أنا
كل العيون
نظارات وسيارات.. أودي وفراري
نموت نضيّع مليارات.. وحالنا مهزلة
يا لا لا ويا لا لا.. مرحبتين ويا هلا
باللي كان يومٍ كبير.. والزمن حوّله
وقسمونا الأمريكان
وفرّقوا بين الجيران
ياريت اللي جرى ما كان
وعيني علينا يا ولداه
وقولي وين الوحدة وين
وكنا أخوة متفقين
وعيشتي وشفتينا يا عين
كل واحد في اتجاه
وهدا يقولك ثانك يو
والثاني ميغسي بوكو
ونسينا الحمد لله
مسابقات في بيروت
ناس تغني وناس تموت
ويش نقول إنا لله!
يا لا لا ويا لا لا.. مرحبتين ويا هلا
باللي كان يومٍ كبير.. والزمن حوّله
6- ضلمت كده ليه
كلمات أغنية ضلمت كده ليه:
م الصبح غرقان في مشاكل
وم البداية اليوم قافل
أستنى في الباشا يعدي
داخللي عكس ومش سائل
قلبي ليه مش مطّمن
باينه يوم.. هندم عليه
هي ضلمت كده ليه.. اللي ودّاني يجيبني
يومي راح في الزحمة يا بيه.. البلد بتعذبني
أنا كنت ناوي أخش يمين
قالولي خش شمال أحسن
أنا قولت دول طبعاً فاهمين
بصيت لقيت نفسي ف مدفن
ده اللي يسأل في بلدنا
ربنا يعوض عليه
هي ضلمت كده ليه.. اللي ودّاني يجيبني
يومي راح في الزحمة يا بيه.. البلد بتعذبني
بالعافية عديت الأتوبيس
باضرب بعيني لقيت زفّة!
وما دام يا سيدي اليوم ده خميس
خد لك معاهم ميت لفّة
هيصة ولا حدّش داري
بالمرار اللي احنا فيه
هي ضلمت كده ليه.. اللي ودّاني يجيبني
يومي راح في الزحمة يا بيه.. البلد بتعذبني
أنا قولت مرة أعمل فاهم
وخلعت م الزحمة مزأطط
ما وعيتش غير في صلاح سالم
فركنت على جنب أعيّط
آه يا غُلبي آيانا يامّه
مش هروّح ولاّ إيه
هي ضلمت كده ليه.. اللي ودّاني يجيبني
يومي راح في الزحمة يا بيه.. البلد بتعذبني
ورجعت والشارع مقفول
وزحمة والبيت متحاوط
لمحت واد كده مش معدول
شايلينه قال عامل ناشط
يلاّ سيبك ماهي باظت
يعني هي جت عليه؟
هي ضلمت كده ليه.. اللي ودّاني يجيبني
يومي راح في الزحمة يا بيه.. البلد بتعذبني
كلمات: محمود فاروق
ألحان: حمزة نمرة
توزيع: إيمري موجولكوش
7- القطر
كلمات أغنية القطر
وركبت معاك.. واتغيّر حالي
ودفعت خلاص.. يومها تمن غالي
بين البشر تاهيين.. من كل كاس شاربين
مع إننا بنموت.. لكن تقول عايشين
ما بتستناش يا قطر..اللي ما جاش يا قطر
ولا فيك مكان.. يركب حدّ ببلاش
واهو فات معاك العُمر.. سِكّتنا خير أو شر
رايحين لفين/آخرتها إيه.. أرجوك ما تقولناش
قصّر يا قطر أوام.. ما تعدّي يا أيام
ده انا عمري راح في طريق
كله جراح وآلام
بين البشر تاهيين.. من كل كاس شاربين
مع إننا بنموت.. لكن تقول عايشين
ما بتستناش يا قطر..اللي ما جاش يا قطر
ولا فيك مكان.. يركب حدّ ببلاش
واهو فات معاك العُمر.. سِكّتنا خير أو شر
رايحين لفين/آخرتها إيه.. أرجوك ما تقولناش
يا قلبي ليه.. محتار ومش شايف
ضاعت سنين.. منك عشان خايف
طول الطريق.. أكدب على نفسي
واخترنا ليه.. نمشي ف طريق لافف!
بص بعينيك قدام.. في العُمر فاضل كام
علشان تسيبُه يضيع.. في رحلة الأوهام
ما بتستناش يا قطر!
كلمات: محمود فاروق
ألحان: حمزة نمرة
توزيع: عزت خاليكوف – مصطفى نجم
8- تسمحي
كلمات أغنية تسمحي
تسمحي لي يامّه من وقتك شوية؟
أنسى جنبك حِمل شايله تقيل عليا
وزي عادتك تسمعيني
لو بكيت.. استحمليني
يامّه زادت قسوة الأيام عليا
كل يوم بقى يشبه اليوم اللي عدّى
كلمتين مش مفهومين على دمعة شاردة
حتى لون الدنيا باهت
والمعاني ف قلبي تاهت
خوفي لا تطوّل علينا الشِّدة ديّه
ما دريتيش يامّه اللي حاصل وانتي غايبه؟
حالنا مال بعدك خلاص الدنيا سايبه
شوفتي حتى ابن اللئيمة
والله بان وبقالُه قيمة
الجبان لقى فرصة يتشطّر عليّا
قبل ما امشي باسألِك.. مش عايزة حاجة؟
لسه برضه ساكتة مش هتقولي حاجة؟
بُكرة هتقومي بالسلامة
ياللي شيلتي الهمّ ياما
ترجعيلنا يامّه زي زمان بهيّة
ترجعيلنا يامّه زي زمان بهيّة
كلمات: محمود فاروق
ألحان: حمزة نمرة
توزيع: حمزة نمرة
9- يا سيدي
كلمات أغنية يا سيدي
يا سيدي روحي تعلى
تضوي في السما نجمة
يوم ريتك في منامي
محلاها رحلة
ياربي صلي على الهادي نبينا
قلبك يا طه صافي
بلسم لجروحي شافي
لو تبتسم لي مرة
والله كافي
ياربي صلي على الهادي نبينا
ريتني نصلي جنبك
ونرتّل آية آية
اروي يا طه قلبي
رحمة وهداية
ياربي صلي على الهادي نبينا
يا رسول الله يا عالي
أفديك بكل غالي
عمري ما انساك
ديما في بالي
ياربي صلي على الهادي نبينا
وسلام..عليكم يا آل البيت الكرام
وعلى الصحابة أحباب الإمام
وسلام.. يا أولياء الله الصالحين
ربي يجمعنا بنبينا الكريم
يا نور ليالينا.. والله ما نسينا
يا مصطفى.. ديما في بالي
ياربي صلي على الهادي نبينا
كلمات: محمود فاروق
ألحان: حمزة نمرة
توزيع: حمزة نمرة
10- لا تبك
كلمات أغنية لا تبك
لا تبكِ فأحزانُ الصِغَرِ
تمضي كالحُلمِ مع الفجرِ
وقريباً تكبُرُ يا ولدي
وتريدُ الدمْع فلا يجري
إن سَهِرَت أمطارٌ معنا
أو غطى البردُ شوارعنا
فالدِفءُ يُعمِّرُ أضلُعَنا
ولهيب الأرضِ بنا يسري
وشموسُ رفاقِك آتيةٌ
وستشرقُ من غضبِ الفقرِ
لا تبكِ.. لا يا ولدي
لا تبكِ.. لا يا ولدي
قد أُرمى خلف الجُدرانِ
وتحِنُّ لحُبي وحناني
فانظر في قلبِك ستراني
لن يقوى القيْدُ على الفِكرِ
وإذا ما الدهرُ بنا دارَ
ومضيْتُ إلى حيثُ أُوارى
أكمِلْ من بعدي المشوارَ
لا تُخلِف ميعاد الفجرِ
لن يسْقِيَ دمعٌ أشجارَك
لا تخشى النارَ من الجمْرِ
لا تبكِ.. لا يا ولدي
لا تبكِ.. لا يا ولدي
سأضُمُّك والصدرُ جريح
وسأعشقُ والقلبُ ذبيح
مهما عصَفَت ضِدّي الريح
لن أحنِيَ في يومٍ ظهري
لا تبكِ.. لا يا ولدي
كلمات: آدم فتحي
ألحان: مصطفى نجم
توزيع: مصطفى نجم
11- يا مظلوم
كلمات أغنية يا مظلوم
يا مظلوم ارتاح.. عُمر الحق ما راح
ليك يا ظالم يوم.. تشرب أسى وجراح
ياللي اتظلمت خلاص.. مستني إيه م الناس؟
ده زمن مالوهش أمان.. فيه الغلبان عليه ينداس
ولا شكوى غير لله.. ما تخافشي وانت معاه
صبرك ده رب كبير
عليم وبصير.. ولا بينسى
يا مظلوم ارتاح.. عُمر الحق ما راح
ليك يا ظالم يوم.. تشرب أسى وجراح
يا ظالم على فين؟.. لو عشت لك عُمرين
بكره تموت وهناك.. أمام الله تردّ الدين
بُكره ميزان وحساب.. ولا عِزوة ولا أحباب
آخرتها كل ده راح
طِلعت بَنيت..أمل كداب
يا مظلوم ارتاح.. عُمر الحق ما راح
ليك يا ظالم يوم.. تشرب أسى وجراح
ومسيرنا ف يوم هنتحاكم.. نيجي مظلوم وظالم
وملايكة وربنا الحاكم.. وهتترد المظالم
كل اللي زرعتُه في حياتك.. تجنيه قُصاد الناس
ويشوف الكل مأساتك.. وانا أبقى عالي الراس
لك يوم يا ظالم..تندم على اللي كان
يا مظلوم ارتاح.. عُمر الحق ما راح
ليك يا ظالم يوم.. تشرب أسى وجراح
كلمات: محمود فاروق
ألحان: حمزة نمرة
توزيع: إيمري موجولكوش
كلمات البوم حمزة نمرة الجديد اسمعني
كلمات ألبوم حمزه نمره اسمعني
.jpg)
0 التعليقات:
إرسال تعليق