نفسك الانسانه اللي ترتبط بيها تكون متدينة ؟
أكيد طبعا وبالإجماع الاجابه هتكون أيوا يا عم في حد مش يتمنى يرتبط بإنسانه متدينة بس هي فين الانسانه دي في زمان ده وأيامنا دي
أه جينا لمحور الموضوع طيب أنت دورت عليها في كل مكان أيوا دورنا ومش لاقينا
يبقى أنت مش دورت كويس وتعالى هنا قبل ما تدور عليها أنت شايف نفسك تستاهل إنسانه متدينة
إيه يا سيدي أنت بتقول كلام يزعل ليه بقى ....
أنا قولت حاجه مهو أنت عشان تاخد متدينة يبقى لازم أنت كمان تبقى متدين ايه مش سمعت صوتك ليه أنت وهو
سامع واحد من هنا بيقول اممممممم
طيب اسمع
قبل ما تدور على إنسانه متدينة اسأل نفسك الاسئله دي .....
أنت بتصلى فروضك كاملة؟
طيب بتصليها في مواعيدها ؟
أنت بتبر ولدك وولدتك ؟
أنت ساعدت فقير أو محتاج أو زرت مريض ؟
أنت ساعدت على نشر دينك وتعريف الناس ايه هو الدين الاسلامى ؟
أنت أحوالك إيه مع كتاب ربنا ؟
وأخبارك إيه مع سنه رسول صلى الله عليه وسلم ؟
طيب أخبارك إيه مع غض البصر ؟
يا ترى ماشى مع الموضة بتاعت الغرب المخالفة لتعاليم دينك ولا ؟
وفى اسئله كتير قوووووووى بس يا ترى هتقدر تجاوب عليها
أتبحث عن متدينة وأنت ليس يوسف هذا العصر أهذا يعقل
عرفت ليه بقى أنت بتشوف انك مش لاقى متدينة
وقبل ما اقفل الموضوع ده تذكروا قول الله عز وجل
قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ
[النور:30]
وتذكروا أيضا قوله تعالى
(الخبيثات للخبيثين والخبيثون للخبيثات والطيبات للطيبين والطيبون للطيبات أولئك مبرءون مما يقولون لهم مغفرة ورزق كريم ( 26 ) النور
قال عبد الرحمن بن زيد بن أسلم : الخبيثات من النساء للخبيثين من الرجال ، والخبيثون من الرجال للخبيثات من النساء ، والطيبات من النساء للطيبين من الرجال ، والطيبون من الرجال للطيبات من النساء
.jpg)
0 التعليقات:
إرسال تعليق